Fyrrum miðjumaðurinn Emmanuel Petit sér eftir því að hafa skrifað undir samning við Chelsea árið 2001.
Petit gerði garðinn frægan með Arsenal á Englandi frá 1997 til 2000 en er þekktastur fyrir tíma sinn hjá Monaco í Frakklandi.
Petit samdi við Barcelona árið 2000 eftir þrjú góð ár hjá Arsenal en entist þar í aðeins eitt ár og hélt svo aftur til Englands.
Tími hans hjá Chelsea var ekki frábær og hefði Frakkinn frekar viljað semja við Manchester United en eiginkona hafði engan áhuga á því.
,,Arsenal hafði samband við mig en Manchester United gerði það einnig á sama tíma. Ég ræddi við Arsene Wenger og hann vildi mikið fá mig aftur en ég var hreinskilinn,“ sagði Petit.
,,Ég sagðist vera þakklátur fyrir boðið en að hann hefði ekki viljað mig áður en ég hélt til Barcelona ári fyrr.“
,,Þetta var eins og að skilja við einhvern. Þegar aðilinn vill þig ekki þá hver er tilgangurinn að snúa aftur?“
,,Ég hefði átt að fara til Manchester United því Sir Alex Ferguson hringdi tvisvar í mig. Við áttum gott samtal en enn og aftur þá hlustaði ég á eiginkonuna.“
,,Hún vildi komast aftur til London og vildi ekki búa í Manchester – ég gerði sömu mistök tvisvar á einu ári.“
