Stórstjörnur Toronto FC í bandarísku MLS-deildinni heimta það að stjóri liðsins, Bob Bradley, verði rekinn.

The Athletic greinir frá þessu en um er að ræða þá Federico Bernardeschi og Lorenzo Insigne.

Insigne er þekktastur fyrir tíma sinn hjá Napoli en Bernardeschi var hjá Juventus áður en hann hélt til Bandaríkjanna.

Samkvæmt Athletic ná leikmennirnir alls ekki saman við Bradley sem var um tíma stjóri Swansea í ensku úrvalsdeildinni.

Tvímenningarnir hafa biðlað til stjórnar Toronto og vilja láta reka Bradley sem tók við liðinu á síðasta ári.

Toronto hefur byrjað skelfilega í austur hluta MLS-deildarinnar og er á botninum með aðeins 13 stig eftir 14 leiki.