Fjórum leikjum lauk nýlega í Lengjudeild karla.
ÍA heimsótti Leikni og vann góðan sigur. Gísli Laxdal kom þeim snemma yfir en Omar Sowe jafnaði fyrir hálfleik.
Gestirnir komust hins vegar í 1-3 með mörkum Viktor Jónssonar og Johannes Vall áður en Sowe skoraði sárabótarmark fyrir Leikni. Lokatölur 2-3.
Njarðvík vann þá Þrótt í nýliðaslag. Oliver Kelaart skoraði tvö marka Njarðvíkur en Rafael Victor eitt. Ágúst Karel Magnússon skoraði mark Þróttar.
Selfoss vann þá Ægi á útivelli í nágrannaslag. Þorsteinn Aron Antonsson kom Selfyssingum yfir snemma leiks en Hrvoje Tokic jafnaði skömmu síðar gegn sínum gömlu félögum.
Markahæsti leikmaður deildarinnar, Guðmundur Tyrfingsson, kom Selfossi hins vegar yfir á ný á 82. mínútu áður en Gary Martin innsiglaði 1-3 sigur með sínu fyrsta marki í sumar.
Fjölnir kjöldróg Þór á heimavelli, 6-0. Máni Austmann Hilmarsson, Hákon Ingi Jónsson og Axel Freyr Harðarsson skoruðu allir tvö mörk í leiknum.