Samkvæmt ítölskum miðlum fylgist Fiorentina með gangi mála hjá Brandon Williams, leikmanni Manchester United, með það fyrir augum að fá hann til félagsins.
Bakvörðurinn spilaði lítið sem ekkert undir stjórn Erik ten Hag á Old Trafford á þessari leiktíð og var hann meiddur fyrri hluta hennar.
Hinn 22 ára gamli Williams er samningsbundinn United út næstu leiktíð og á félagið möguleika á að framlengja þann samning um eitt ár.
Fiorentina er sagt vilja Williams á láni út næstu leiktíð og kaupa hann svo fyrir um 5 milljónir evra.
Fiorentina er í 11. sæti ítölsku úrvalsdeildarinnar en er komið í úrslitaleik Sambandsdeildarinnar.
