ÍA er aðeins með tvö stig eftir þrjár um ferðir í Lengjudeild karla. Ljóst er að uppskeran er vonbrigði.

Skagamenn voru til umræðu í Lengjudeildarmörkunum hér á 433.is.

„Skagamenn hafa valdið mér miklum vonbrigðum. Ég sá nokkra leiki með þeim í vetur og heillaðist. Ég bjóst við því að Skaginn myndi labba upp og þetta væri spurning um hver myndi fylgja þeim,“ sagði Hrafnkell Freyr Ágústsson, sérfræðingur þáttarins.

„Það er ekki nein afsökun að vera á þessum grasvöllum í byrjun móts. Þeir verða á þessum velli í allt sumar og ég sé hann ekkert verða betri.“

Jón Þór Hauksson er á sínu öðru tímabili sem þjálfari ÍA.

„Undir stjórn Jóns Þórs, ég sé enga framför, ég sé ekkert leikplan sem er áberandi, eins og til dæmis hjá Aftureldingu,“ sagði Hrafnkell beittur.

Hann vill þá að Jón hætti að kvarta undan ákvörðunum dómara. „Taktu eitthvað á sjálfan þig, þetta er ekki gott.“