Jorg Schmadtke kemur til Englands í vikunni til að ganga frá samningi sínum við Liverpool, Schmadtke verður nýr yfirmaður knattspyrnumála hjá félaginu.
Schmadtke tekur við af Julian Ward sem sagði starfi sínu lausu fyrir nokkru síðan.
Schmadtke er vinur Jurgen Klopp en hann hefur unnið hjá Aachen, Hannover, Köln og Wolfsbuirg.
Klopp talaði vel um Schmadtke á dögunum en sagði að hann væri ekki að fá starfið vegna þess að hann væri Þjóðverji. „Ef það gerist er það ekki Klopp sem ræður af því að við erum báðir frá Þýskalandi. Það hefur ekkert með það að gera,“ sagði Klopp.
„Ég hef þekkt Schmadtke lengi, við hófum feril okkar á svipuðum tíma. Ég varð þjálfari hjá Mainz og hann yfirmaður hjá Aachen.“
„Hann er góður maður og mjög klókur, hann hefur gert virkilega vel í Þýskalandi. Hann hefur náð mjög góðum árangri.“
