Phil Jones leikmaður Manchester United yfirgefur félagið í sumar eftir tólf ára dvöl hjá félaginu. Síðustu ár hefur Jones varla spilað vegna meiðsla.
Jones kom sumarið 2011 og voru miklar væntingar gerðar til hans. Sir Alex Ferguson stjóri Manchester United talaði um að hann gæti orðið besti leikmaður í sögu félagsins.
Jones gekk vel framan af en meiðslin hafa komið í veg fyrir þátttöku hans undanfarið. Hann spilaði síðast leik fyrir ári.
„Þetta hefur verið mjög erfitt síðustu ár, ég get ekki neitað því,“ segir Jones nú þegar hann kveður félagið.
„Fjölskyldan hefur haldið mér gangandi í því að koma mér aftur í form til að reyna að spila. Ég sakna þess að spila fótbolta. Þú elst upp við það að elska að spila leikinn og það er það eina sem þú vilt gera.“
„Ég er heppin með þau tækifæri sem ég hef fengið en ég hefði viljað spila meira. Ég hef lagt endalausu vinnu á mig til að verða heill heilsu.“
Jones er aðeins þrítugur en óvíst er hvort hann haldi áfram í fótbolta, það kemur í ljós í sumar.
