Folarin Balogun hefur ákveðið að spila fyrir bandaríska A-landsliðið frekar en það enska.

Hinn 21 árs gamli Balogun hefur raðað inn mörkum fyrir Rennes í frönsku úrvalsdeildinni á þessari leiktíð. Hann er þar á láni frá Arsenal.

Enska knattspyrnusambandið vonaðist til þess að Balogun myndi spila fyrir enska A-landsliðið. Hann hefur leikið fyrir yngri landsliðin þar en er fæddur í Bandaríkjunum.

Balogun hefur hins vegar tekið ákvörðun og ætlar að leika fyrir bandaríska landsliðið.

Framherjinn ungi mun snúa aftur til Arsenal í sumar. Það er þó ekki ljóst hvar hann mun spila á næstu leiktíð.

Ljóst er að eftir tímabilið sem Balogun er að eiga að hann vill spila byrjunarliðsfótbolta.

Folarin Balogun 🤝🏻 USMNT.

Here we go ✨🇺🇸pic.twitter.com/0RCtBiJcmv

— Fabrizio Romano (@FabrizioRomano) May 16, 2023