Íþróttavikan er komin á fulla ferð á 433.is og í Sjónvarpi Símans. Helgi Fannar Sigurðsson og Hrafnkell Freyr Ágústsson sjá um þáttinn og fá þeir til sín góða gesti alla föstudaga. Í þetta skiptið voru þeir Andri Geir Gunnarsson og Vilhjálmur Freyr Hallsson úr hlaðvarpinu Steve Dagskrá gestir.
Vilhjálmur hefur getið sér gott orð á Viaplay þar sem hann stýrir umfjöllun um leiki í Meistaradeild Evrópu og hjá íslenska karalandsliðinu.
Fyrrum landsliðsmennirnir Rúrik Gíslason og Kári Árnason eru yfirleitt með honum í setti.
„Það er bara geggjað. Það er hrikalega skemmtilegt að tala við þessa menn um þessi málefni. Landsliðið með Kára og Rúrik. Það verður ekkert mikið betra,“ segir Vilhjálmur um starfið á Viaplay.
En eru þessar stjörnur ekki með neina stjörnustæla?
„Jú jú, nóg af þeim. Maður reynir bara að díla við það,“ segir Vilhjálmur og hlær.
„Kári er nú ekki með stjörnustæla er það?“ spurði Andri félaga sinn.
„Nei, það er hinn þarna,“ grínaðist Vilhjálmur.
Umræðan í heild er hér að neðan.
