Íþróttavikan er komin á fulla ferð á 433.is og í Sjónvarpi Símans. Helgi Fannar Sigurðsson og Hrafnkell Freyr Ágústsson sjá um þáttinn og fá þeir til sín góða gesti alla föstudaga. Í þetta skiptið voru þeir Andri Geir Gunnarsson og Vilhjálmur Freyr Hallsson úr hlaðvarpinu Steve Dagskrá gestir.

Andri og Vilhjálmir eru FH-ingar og hafa þeirra menn farið nokkuð vel af stað í Bestu deild karla.

„Ég er bara þokkalega sáttur. Við erum ofar en ég hélt á þessum tímapunkti,“ sagði Vilhjálmur og bætti við: „Að vera í efri hluta væri ruglað.“

„Er það svo ruglað?“ spurði Helgi.

„Hvað hélst þú? Varst þú að pæla í Evrópu eða? Það þarf bara að líta á þetta raunsætt. Topp 6 yrði geggjað,“ svaraði Andri þá um hæl.

Vilhjálmur tók til máls á ný. „Björn Daníel er meiddur og það munar ansi miklu. Það dettur allt spil niður þegar hann er ekki. Þá kannski kæmi Gylfi (Þór Sigurðsson) góður inn,“ sagði hann léttur.

Rætt hefur verið hvort Gylfi gæti snúið aftur í FH, þar sem hann var í yngri flokkum, taki hann fram skóna á ný.

„Það væri gaman að sjá hvort hann gæti leyst það hlutverk,“ grínaðist Andri.

Umræðan í heild er hér að neðan.