Eden Hazard, leikmaður Real Madrid, mun byrja sinn fyrsta leik fyrir félagið í heila sjö mánuði í kvöld.
Það eru heldur betur óvæntar fréttir en Hazard hefur lítið sem ekkert fengið að spila á þessu tímabili.
Belginn hefur lítið getað á Spáni síðan hann samdi fyrir fjórum árum síðan en fyrir það var hann frábær fyrir Chelsea.
Carlo Ancelotti, stjóri Real, ætlar að hvíla lykilmenn fyrir leik gegn Manchester City í Meistaradeildinni í næstu viku.
Hazard hefur aðeins spilað níu leiki á tímabilinu fyrir Real en hans síðasti byrjunarliðsleikur var þann 11. september gegn Mallorca.
