Feðgar verða sérfræðingar saman á BBC í Match of the Day þættinum á morgun, verður þetta í fyrsta sinn sem það gerist.
Ian Wright er reglulegur gestur í þessum vinsæla þætti þar sem farið er yfir leiki dagsins í ensku úrvalsdeildinni.
Á morgun verður Shaun Wright-Phillips sonur hans með honum í sjónvarpinu.
Phillips átti frábæran feril og lék í tvígang með Manchester City og einu sinni með Chelsea.
Faðir hans Ian Wright átti einnig farsælan feril en er þekktastur fyrir tíma sinn hjá Arsenal.
