Liverpool hefur lagt inn beiðni til ensku úrvalsdeildarinnar um að spila fyrsta útileik sinn á næstu leiktíð á útivelli. Gerir félagið þetta vegna framkvæmda á Anfield.

Verið er að leggja lokahönd á endurbætur á Anfield, sem alls kosta um 80 milljónir punda. Verkið á að klárast um það leyti sem næsta tímabil hefst í ensku úrvalsdeildinni.

Eftir endurbæturnar mun Anfield taka 7 þúsund fleiri manns í sæti og alls um 61 þúsund manns.

Enska úrvalsdeildin hefst á ný í kringum laugardaginn 12. ágúst. Anfield verður tilbúinn um það leyti en það þarf hins vegar að halda einn prufuviðburð áður en fyrsti heimaleikur Liverpool í deildinni fer fram.

Óskar Liverpool því eftir að spila frekar á heimavelli í kringum laugardaginn 19. ágúst.

Framkvæmdirnar á Anfield hófust í september 2021. Hingað til hafa þær þó ekki haft áhrif á sætafjölda og vinnan aðeins farið fram utan frá og á þaki vallarins.

Vinna inni á leikvanginum sjálfum mun hins vegar hefjast eftir að síðasti heimaleikur Liverpool á þessari leiktíð fer fram.