Samkvæmt ítölskum fjölmiðlum er Manchester United komið langt í viðræðum um að fá Kim Min-jae varnarmann Napoli í sumar. Er klásúla í samningi hans sem gerir honum kleift að fara.
Kim er 26 ára gamall en hann hefur átt stóran þátt í því að Napoli varð ítalskur meistari í ár.
Napoli keypti Kim fyrir ári síðan frá Fenerbache fyrir 16 milljónir punda. Klásúla er í samningi hans sem gerir honum kleift að fara fyrir um 50 milljonir punda.
TuttoMercatoWeb segir United tilbúið að virkja þessa klásúlu og segir í fréttum að United muni virkja hana á fyrstu 15 dögum í júní.
Segir að viðræður hafi staðið yfir síðustu vikur og United hafi frá því í lok árs átt samtal við þá sem sjá um málin hjá Kim.
