Það er ansi mikill metnaður hjá Wrexham sem tekur þátt í ensku D-deildinni á næstu leiktíð.
Velska félagið vann utandeildina með glæsibrag nú í vor og keppir því í deildinni fyrir ofan í haust.
Eigendur Wrexham eru Hollywood-stjörnurnar Ryan Reynolds og Rob McElhenney. Sætta þeir sig ekki við neina fallbaráttu í D-deildinni að ári og ætla að styrka liðið vel í sumar.
Enskir miðlar segja að félagið horfi til Alfie May, framherja Cheltenham. Raðaði hann inn mörkum í ensku C-deildinni á þessari leiktíð. Kappinn gerði 20 mörk.
Það sem vekur athygli er að talið hefur verið að hinn 29 ára gamli May taki skrefið upp á við og í B-deildina. Þar hefur hann verið orðaður við Birmingham, Huddersfield, Luton og Millwall til að mynda.
Góður seðill og spennandi verkefni í Wrexham gæti hins vegar heillað May.
