Forráðamenn knattspyrnudeildar Stjörnunnar eru ekki áfjáðir í að taka upp símann í dag en staða liðsins í Bestu deild karla hefur verið til umræðu.

Stjarnan sem er með eitt af dýrari liðum deildarinnar er aðeins með þrjú stig á botni Bestu deildarinnar.

Stjarnan vann sigur á HK á heimavelli en hefur tapað öllum hinum fimm leikjum tímabilsins.

Ágúst Gylfason er þjálfari liðsins. Framtíð hans hefur verið til umræður en hvorki Sæmundur Friðjónsson, formaður knattspyrnudeildar eða Helgi Hrannar formaður meistaraflokksráðs tóku símann þegar 433.is hringdi í morgun.

Ljóst er að staða Stjörnunnar er gríðarlegt áhyggjuefni em liðið mætir ÍBV á heimavelli á laugardag í leik sem verður ansi áhugaverður.

Stjarnan tapaði gegn Fram í deildinni í gær en liðið. hefur skorað átta mörk í sumar og fengið á sig fjórtán, aðeins Fylkir hefur fengið á sig fleiri mörk en bæði lið eru með þrjú stig í poka sínum og sitja á botni deildarinnar.