Trent Alexander-Arnold hjá Liverpool hefur fengið sinn skerf af gagnrýni á leiktíðinni en undanfarið hefur hann þó staðið sig mjög vel.

Fáir í liði Liverpool hafa sýnt sínar bestu hliðar á leiktíðinni, enda liðið svo gott sem búið að missa af Meistaradeildarsæti. Alexander-Arnold er þar engin undantekning.

Í undanförnum leikjum hefur Jurgen Klopp hins vegar aðeins breytt hlutverki bakvarðarins á þann veg að hann kemur meira inn á miðjuna í leikjum.

Sumir ganga svo langt að segja að hann geti leyst vandræði Liverpool á miðsvæðinu. Hafa þau mikið verið til umræðu.

Lengi var talið að Liverpool leiddi kapphlaupið um hinn frábæra Jude Bellingham hjá Dortmund. Félagið hafði hins vegar ekki burði til að taka þátt í því til enda og nú er útlit fyrir að enski miðjumaðurinn fari til Real Madrid.

Þrátt fyrir þetta högg gaf Alexander-Arnold stuðningsmönnum Liverpool ástæðu til að gleðjast í 1-0 sigri á Fulham í ensku úrvalsdeildinni í gær.

Sýndi hann frábæra takta og þá sérstaklega á einum tímapunkti í leiknum, en þetta má sjá hér neðar. Leiddi það til þess að mikill fjöldi manna fór að líkja Alexander-Arnold við goðsögnina Zinedine Zidane í nýju hlutverki sínu.

„Trent, ertu Zidane í dulargervi. Þetta var fallegt skrifaði einn.“

Annar skrifaði: „Trent að sýna Zidane-takta á miðjunni. Þvílíkur leikmaður.“

„Trent Alexander-Zidane,“ skrifaði annar.

Fleiri fréttir