Caglar Soyuncu er að ganga í raðir Atletico Madid frá Leicester.

Samningur Tyrkjans við enska félagið er að renna út og gengur hann í raðir Atletico á frjálsri sölu.

Mun Soyuncu skrifa undir fjögurra ára samning á Spáni.

Hinn 26 ára gamli Soyuncu fór vel af stað með Leicester á sínum tíma en hefur svo verið í aukahlutverki. Á þessari leiktíð hefur miðvörðurinn aðeins spilað fimm leiki í ensku úrvalsdeildinni.

Atletico situr í þriðja sæti spænsku úrvalsdeildarinnar. Nokkuð ljóst er að félagið getur boðið Soyuncu upp á Meistaradeildarfótbolta á næstu leiktíð.

Çağlar Söyüncü has signed with Atlético Madrid, here we go confirmed! Deal was agreed in January and it’s now sealed as Turkish centre back will join Atléti in the summer as free agent. ⚪️🔴🇹🇷 #Atléti

Söyüncü’s contract will be valid until June 2027. pic.twitter.com/oOYpId3CiI

— Fabrizio Romano (@FabrizioRomano) April 26, 2023