Jóhann Berg Guðmundsson er elskaður og dáður af stuðningsmönnum Burnley og það sást í kvöld þegar þúsundir stuðningsmanna Burnley tóku víkingaklappið.
Jóhann Guðmundsson var að venju í byrjunarliði Burnley þegar liðið tryggði sér sigur í Championship deildinni á Englandi í kvöld. Burnley heimsótti þá Blackburn í orustu um Langaskíri.
Nokkuð er síðan að Burnley tryggði sér farmiða upp í ensku úrvalsdeildina á næstu leiktíð.
Með sigri á Blackurn í kvöld tryggði Burnley sér hins vegar efsta sætið endanlega en allt stefnir í að Sheffield United fylgi liðinu upp um deild.
Jóhann Berg spilaði tæpan klukkutíma í kvöld en Manuel Benson skoraði eina mark leiksins fyrir Burnley.
Sigurinn var afar sætur fyrir stuðningsmenn Burnley en Blackburn eru erkifjendur félagsins, að tryggja sér sigur í deildinni á Ewood Park var því afar sætt fyrir félagið.
