Todd Boehly, eigandi Chelsea, hefur rætt við Mason Mount og reynt að sannfæra hann um að vera áfram á Stamford Bridge.

The Athletic segir frá þessu.

Samningur Mount rennur út eftir næstu leiktíð og er ekki útlit fyrir að hann verði framlengdur.

Chelsea hefur slegið viðræðum á frest þar til eftir tímabil, en ólíklegt er að Mount skrifi undir þá.

Arsenal, Manchester United, Liverpool og Bayern Munchen fylgjast grannt með gangi mála hjá enska miðjumanninum.

Chelsea virðist þó ekki hafa sungið sitt síðasta og virðist hafa áhuga á að hafa Mount áfram hjá sér.

Frá því Boehly eignaðist Chelsea hefur félagið eytt hátt í 500 milljónum punda í nýja leikmenn. Það gæti því reynst hentugt að losa Mount og fá inn fjármuni á móti.

Þrátt fyrir mikla eyðslu hefur ekkert gengið innan vallar og er Chelsea um miðja úrvalsdeild. Auk þess er liðið dottið úr öllum keppnum.