Jurgen Klopp, stjóri Liverpool, hefur greint frá því hvaða leikmaður mun taka við af Roberto Firmino sem er á förum í sumar.

Firmino mun yfirgefa Liverpool á frjálsri sölu í sumar og mun að öllum líkindum skrifa undir hjá Barcelona.

Firmino hefur lengi verið ‘nían’ hjá Liverpool en það verður nú verkefni Cody Gakpo sem kom í janúr að fylla skarð Brasilíumannsins.

,,Að mínu mati þá hefur Bobby verið hvatning fyrir nánast hvern einasta leikmann sem spilar þessa stöðu,“ sagði Klopp.

,,Cody er 23 ára gamall og hann hefur verið fyrirliði síns liðs. Ég áttaði mig ekki á hvernig það hefði gerst er hann var svo ungur en þegar hann kom hingað þá skildi ég hversu gáfaður strákurinn væri og hversu mikill liðsmaður hann er.“

,,Fyrir utan það þá er hann frábær fótboltamaður. Hann getur spilað þessa stöðu eða spilað á vængnum. Hann getur búið til sína eigin stöðu. Við þurfum ekki að gera nákvæmlega það sama og með Bobby því það er enginn eins og Bobby.“