Florent Malouda, fyrrum leikmaður Chelsea, hefur ítrekað reynt að fá Kylian Mbappe til að semja við félagið.
Malouda er Frakki líkt og Mbappe en sá síðarnefndi er á mála hjá Paris Saint-Germain og einn besti leikmaður heims.
Mbappe hefur verið orðaður við fjölmörg félög á ferlinum og þar á meðal Chelsea en hann gæti fært sig um set í sumar.
Malouda var sjálfur frábær fyrir Chelsea á sínum tíma og reynir að sannfæra sinn mann um að færa sig til London.
,,Ég hef reynt að fá hann til að semja við Chelsea í virkilega langan tíma,“ sagði Malouda við ICE 36.
,,Hingað til þá hefur það ekki gengið upp en ég mun halda áfram. Hann þarf svo sannarlega að vera opinn vegna gengi Chelsea á þessum tímapunkti.“
