Talið er að dagar Janne Andersson sem landsliðsþjálfari sænska karlalandsliðsins í knattspyrnu séu senn taldir eftir að hann missti stjórn á skapi sínu í beinni útsendingu eftir 5-0 sigur í gær og endaði á því að rjúka úr viðtali.
Svíþjóð vann sannfærandi 5-0 sigur á Azerbaíjan í undankeppni EM 2024 í gærkvöldi en eftir leik var sigurvíman fljót að renna af téðum Janne.
Bojan Djordjic, fyrrum leikmaður Manchester United, ásamt öðrum sérfræðingum Viaplay, fékk Janne til sín í sett eftir umræddan landsleik og vildi Bojan fá svör við spurningum tengdum vali Janne á fyrirliða liðsins sem og litlum spilatíma Jesper karlsson.
Það var þá sem allt sauð upp úr líkt og sjá má hér fyrir neðan:
,,Þú ert bara að tala einhverja vitleysu eftir að við vorum að vinna leik 5-0,“ svaraði Janne eftir nokkur orðaskipti við Bojan. ,,Takk fyrir í dag, sé ykkur seinna,“ sagði Janne síðan og labbaði úr viðtalinu.
Í viðtali við annan fjölmiðil eftir þessa skrýtnu uppákomu segist Janne hafa þurft að grípa til varna.
,,Þarna var umsjónarmaður og þrír sérfræðingar, í svoleiðis stöðu þarf ég að verja mig. Þetta eru erfiðar aðstæður, ég er manneskja með tilfinnningar. Ég varð pirraður þarna,“ sagði Janne.
Mynband af uppákomunni má sjá hér fyrir neðan:
🇸🇪 Incredible scenes after Sweden’s 5-0 win over Azerbaijan!
Manager Janne Andersson loses it on live TV and has a heated clash with Bojan Djordjic after the former Man United man simply questioned Jesper Karlsson’s game time!
It got personal…pic.twitter.com/XUmFr0LkLF
— Seb Sternik (@seb_sternik) March 27, 2023