The Athletic greinir frá því að samningstilboð frá Paris Saint-Germain í Marcus Rashford, einn af lykilmönnum Manchester United, hafi legið á borði leikmannsins en verið hafnað. Laun Rashford hefðu tvöfaldast ef gengið hefði verið að samningstilboðinu og félagsskipti gengið í gegn.
Fulltrúar Rashford áttu samtal við Paris Saint-Germain síðasta umar en The Athletic greinir frá því að samningstilboð hafi legið á borði Rashford frá Paris Saint-Germain. Sá samningur hafi hljóðað upp á vikulaun yfir 400 þúsundum punda.
Manchester United vissi af þessu virka samtali sem var í gangi á milli fulltrúa Rashford og franska stórliðsins.
Á endanum kaus leikmaðurinn að vera áfram í Manchesterborg og hefur hann gengið í gegnum endurnýjun lífdaga undir stjórn hollenska knattspyrnustjórans Erik ten Hag sem tók við Manchester United fyrir yfirstandandi tímabil.
Manchester United ákvað á sínum tíma að virkja ákvæði í samningi Rashford sem varð til þess að samningur hans framlengdist um eitt ár og gildir því fram yfir tímabilið 2023/2024. Ef United hefði ekki virkjað ákvæðið, þá hefði leikmaðurinn geta farið í viðræður við félög utan Englands á þessum tímapunkti.
