Gerard Pique, goðsögn Barcelona, hefur vakið athygli eftir ummæli sem hann lét falla í fyrir helgi.

Pique var að streyma í beinni degi eftir leik Manchestrer United og Barcelona í Evrópudeildinni.

Þeir spænsku eru úr leik eftir 2-1 tap en fyrri leiknum lauk með 2-2 jafntefli og var einvígið ansi spennandi.

Pique hefur lagt skóna á hilluna en hann var alls ekki hrifinn af frammistöðu liðsins og lét stór orð falla á streyminu.

,,Þetta var algjört djöfulsins klúður,“ sagði Pique á meðal annars og var ekki ánægður með frammistöðu sinna manna.

Barcelona hóf tímabilið í Meistaradeildinni en lenti í þriðja sæti þar og er nú úr leik í Evrópudeildinni.