Thierry Henry, goðsögn Arsenal, er orðinn þreyttur á að vera númer tvö og ætlar sér að taka við liði á árinu.

Henry hefur verið aðalþjálfari hjá Montreal og Monaco en er þekktastur fyrir tíma sinn sem aðstoðarmaður Roberto Martinez í belgíska landsliðinu.

Henry er nú kominn með nóg af því að aðstoða og ræddi um þann möguleika að taka við bandaríska landsliðinu sem er án þjálfara.

,,Myndi ég bjóða mig fram í starfið? Fyrst og fremst þá er erfitt að tala um það,“ sagði Henry.

,,Roberto Martinez er nýr stjóri Portúgals og ég fer ekki með honum þangað. Að vera númer tvö er ekki eitthvað sem mig langar að gera lengur.“

,,Öll mín virðing til hans, hann gaf mér tækifæri þegar enginn annar gerði það. Ég væri til í að taka við liði á nýjan leik.“

,,Þekki ég amerísku leikmennina? Já ég þekki þá. Þekki ég deildinam? Já ég þekki deildina.“