Mikel Arteta segir að hann og leikmenn Arsenal hafi verið brjálaðir eftir dómaramistök sem kostuðu liðið tvö stig gegn Brentford um helgina.
Lee Mason myndbandsdómari gleymdi að teikna rangstöðulínu sem hefði gert jöfnunarmark Brentford í leiknum ógilt.
Arteta sat fyrir svörum á blaðamannafundi fyrir stórleik Arsenal við Manchester City á morgun. Skytturnar eru á toppi deildarinnar með 3 stiga forskot á City, auk þess að eiga leik til góða.
„Þetta voru ekki mannleg mistök. Þetta snerist um að skilja ekki starfið þitt,“ segir Arteta.
Arsenal hefur fengið afsökunarbeiðni vegna atviksins. Arteta kunni að meta það en segir það þó engu breyta.
„Ég verð aðeins sáttur ef þeir gefa mér stigin tvö til baka.
Ég kann að meta það að afsökun þeirra var einlæg. Það breytir hins vegar ekki þeirri staðreynd að við erum með tveimur stigum minna.“
