Manchester City og Aston Villa mættust í ensku úrvalsdeildinni í gær. City vann góðan og sannfærandi sigur en þetta var fyrsti leikur liðsins eftir að enska úrvalsdeildin ákærði félagið.
Enska deildin ákærði City fyrir 115 brot á reglum um fjármál en ítarleg rannsókn hefur staðið yfir í fjögur ár. City heldur fram sakleysi sínu en óháð nefnd mun á næstunni fara yfir málið.
Pep Guardiola stjóri Manchester City virðist öruggur á því að félagið sé saklaust með öllu. UEFA skoðaði mál félagsins fyrir tveimur árum og dæmdi félagið brotlegt. City áfrýjaði þeim dómi og var málið fellt niður.
Guardiola ræddi málið við fréttamenn fyrir leik og fór að blanda Steven Gerrard fyrrum fyrirliði Liverpool í málið.
„Það er okkur að kenna að Steven Gerrard rann á Anfield,“ sagði Guardiola og átti þar við frægt atvik árið 2014 þegar Liverpool missti af titlinum til City.
Ekki eru allir ánægðir með þessi ummæli Guardiola og segja þau lágkúruleg en þau má sjá hér að neðan.
Pep Guardiola: “It’s our fault Steven Gerrard slipped at Anfield” 🔵 #MCFC
🎥 @BeanymanSportspic.twitter.com/azZKNdu6s0
— Fabrizio Romano (@FabrizioRomano) February 11, 2023
