Bloomberg segir frá því að aðilar frá Katar muni á allra næstu dögum leggja fram tilboð í Manchester United.

Glazer fjölskyldan sem vill selja United gefur aðilum til föstudags að leggja fram tilboð.

Búist er við aðilarnir frá Katar muni leggja fram rausnarlegt tilboð en fjölskyldan vill fá nálægt 6 milljörðum punda.

Jim Ratcliffe hefur látið vita að hann vilji kaupa félagið og er búist við að þessi ríkasti maður Bretlands muni leggja mikið á sig til að félagið.

Þá eru fjársýslumenn frá Bandaríkjunum sagðir skoða tilboð en aðilar hafa getað skoðað bókhald United undanfarnar vikur.

Katarar hafa látið mikið að sér kveða í heimi íþrótta síðustu ár og héldu meðal annars Heimsmeistaramótið á síðasta ári.