William Gallas, fyrrum leikmaður Chelsea, hefur varað félagið við því að semja við miðjumanninn Enzo Fernandez.

Ástæðan er einföld en félagslið Fernandez, Benfica, vill fá 106 milljónir punda fyrir sinn mann sem er ansi há upphæð.

Fernandez vann HM með Argentínu í síðasta mánuði aðeins 21 árs gamall en Gallas er ekki viss um að hann sé virði verðmiðans sem Benfica setur á hann.

,,Spurningin er hvort Enzo sé fáanlegur á réttu verði, það sem hann gerði á HM var frábært og á þessum aldri. Hann var ekki valinn besti ungi leikmaðurinn án ástæðu,“ sagði Gallas.

,,Ég vissi ekki að hann væri svona ungur, hann spilaði eins og fullorðinn leikmaður. Hann spilaði eins og hannh efði spilað á HM áður.“

,,Það er gott að sjá leikmenn eins og hann en jafnvel þó að hann sé heimsmeistari er ég ekki viss um að verðmiðinn sé réttur.“