Tiago Pinto, yfirmaður knattspyrnumála Roma, hefur tjáð sig um framtíð stjóra félagsins, Jose Mourinho.
Mourinho er sterklega orðaður við portúgalska landsliðið þessa dagana eftir að Fernando Santos steig til hliðar eftir HM í Katar.
Mourinho hefur náð fínasta árangri hjá Roma en hann er talinn líklegur til að taka við keflinu af Santos.
Pinto segir þó að Roma treysti á Mourinho fyrir framtíðina og að það sé eðlilegt að hann sé orðaður við starfið.
,,Þegar þú ræður stjóra eins og Mourinho þá þarftu að venjast sögusögnum. Þetta er í fyrsta sinn í 18 mánuði þar sem félag eða knattspyrnusamband sýnir honum áhuga,“ sagði Pinto.
,,Við höfum ekki fengið neinar truflanir og einbeitum okkur að vinnunni. Ég er portúgalskur og í hvert skipti sem við breytum um stjóra er nafn Mourinho nefnt en við treystum á hann fyrir framtíðina.“
