Velska knattspyrnustjarnan Gareth Bale og unnusta hans, Emma Rhys-Jones, eru sögð vera í sjokki eftir að hafa frétt af vopnuðu innbroti grímuklæddra manna á heimili fjölskyldumeðlims Emmu.
Greint er frá vendingunum á vef The Sun þar sem segir að fjórir grímuklæddir menn, vopnaðir haglabyssum, hafi brotist inn á heimili frænku Emmu og hafi átt í ítrekuðum hótunum við hana.
Mennirnir hafi spurt umrædda frænku hvar hún fæli gullið og heimildamaður The Sun, sem þekkir vel til Bale og Emmu, segir þau vera í sjokki.
„Bale og Emma eru í sjokki og í raun óttaslegin eftir að hafa verið greint frá því að skotvopn hefðu verið hluti af þessu innbroti. Við vitum ekki enn af hverju innbrotsþjófarnir brutust inn hjá Emmu en hún og fjölskylda hennar eru logandi hrædd þessa stundina.“
Emma var heima þegar að innbrotið átti sér stað og slapp undan atvikinu án líkmalegra áverka þó svo ætla megi að svona lífsreynsla muni sitja lengi á sálartetrinu.
Lögregla var fljót að bregðast við útkallinu og hefur einn maður, 28 ára karlmaður, verið handtekinn í tengslum við innbrotið. Hinir þrír sem eftir standa eru enn ófundnir.
