Leikmenn Manchester United og starfsmenn eru með matareitrun eftir ferðina til Moldavíu þar sem liðið vann sigur á Sheriff í Evrópudeildinni.
United vann 2-0 sigur í Moldavíu á fimmtudag og flaug beint heim með einkaflugvél eftir leik.
Leikmenn og starfsmenn fóru hins vegar að finna fyrir óþægindum á föstudag. Rannsakar félagið nú hvort matareitrunin hafi komið í Moldavíu eða í fluginu á leið til baka.
Fjöldi leikmanna afboðaði komu sína á föstudag og á laugardag voru leikmenn enn fjarverandi en upp og niðurgangur fylgir iðulega matareitrun.
United lék ekki í ensku deildinni um helgina vegna skorts á starfsfólki sem nú er við störf í London í kringum útför Elísabetar.