Leicester City fékk virkilega slæmar fréttir um helgina en varnarmaðurinn Ricardo Pereira verður lengi frá.
Pereira sleit hásin í leik við Sevilla á undirbúningstímabilinu og verður nú frá í að minnsta kosti sex mánuði.
Bakvörðurinn hefði verið byrjunarliðsmaður hjá Leicester í vetur en hann mun ekkert taka þátt í fyrri helming deildarinnar.
Þessi 28 ára gamli leikmaður fór í aðgerð fyrir helgi en hann meiddist í síðasta leik Leicester á undirbúningstímabilinu.
Það hjálpar ekki að Leicester er eina liðið á Englandi sem hefur enn ekki bætt við sig leikmanni í sumarglugganum.