Guðmundur Benediktsson er gestur í nýjasta þætti Chess After Dark. Þar var sonur hans, Albert Guðmundsson, meðal annars til umræðu.
Albert gekk í raðir Genoa í janúar frá AZ Alkmaar. Hann lék með liðinu í Serie A seinni hluta síðustu leiktíðar en undir lok hennar fékk Genoa niður í B-deild.
Guðmundur var spurður að því hvort hann teldi skrefið hafa verið rétt. „Því verður aldrei svarað. Sem íþróttamaður getur þú ekki verið að spá í það. Þú þarft bara að vera í núinu,“ svarar hann.
„Hann fékk að spila í Serie A, sem fáir fá að upplifa. Þeir féllu og ég vona að þeir fari bara beint upp aftur. Ég hef trú á því að hann geti átt býsna gott tímabil þar.“
Guðmundur telur ólíklegt að Albert fari annað, þrátt fyrir að Genoa leiki í B-deild á komandi leiktíð.
„Það hefur alveg verið áhugi, einhverjar þreyfingar. En ég held og vona að hann verði bara þarna. Það er mikill metnaður í Genoa að fara beint upp. Það er mikið lagt í þetta hjá þeim, eru með mjög efnaða eigendur. Ég hef trú á því að það gætu verið góðir tímar framundan hjá Genoa.“