Cesc Fabregas hefur útskýrt það af hverju hann elskaði að spila fyrir Chelsea en hann lék þar í fimm ár.
Fabregas skrifaði nýlega undir samning við Como í ítölsku B-deildinni en hann kemur þangað frá Monaco í frönsku deildinni.
Fabregas er þekktastur fyrir tíma sinn hjá Arsenal og Barcelona en hann samdi við Chelsea eftir dvöl hjá því síðarnefnda.
Fabregas elskaði tíma sinn hjá grönnum Arsenal í Chelsea en hugarfar félagsins er alltaf það sama – að vinna titla.
Chelsea hefur misst eiganda sinn til margra ára Roman Abramovich en ætlar sér enn stóra hluti eftir komu Todd Boehly.
,,Málið með Chelsea er að þeir eiga að sigra, að berjast um alla titla og alltaf. Ég var þarna í fimm ár og hugarfarið er að vinna, þess vegna elska ég félagið,“ sagði Fabregas.
,,Hvort sem þeir séu að vinna eða spila vel eða illa, þeir eru alltaf hluti af pakkanum og það gerir mig mjög ánægðan.“