Nottingham Forest er nálægt því að ganga frá kaupum á Morgan Gibbs-White frá Wolves. Mun félagið greiða 44,5 milljónir punda fyrir leikmanninn.
Það er David Ornstein á The Athletic sem greinir frá þessu.
Gangi skiptin eftir verður Gibbs-White sá dýrasti í sögu Forest.
Miðjumaðurinn 22 ára gamli starfaði með Steve Cooper, stjóra Forest, hjá landsliði Englands í undir 17 ára flokki á sínum tíma. Varð liðið til að mynda heimsmeistari 2017.
Forest er nýliði í ensku úrvalsdeildinni og hefur félagið verið ansi virkt á félagaskiptamarkaðnum í sumar. Gibbs-White verður sextándi leikmaðurinn sem kemur til félagsins í sumar.
Forest er með þrjú stig eftir fyrstu tvo leiki sína í ensku úrvalsdeildinni. Liðið tapaði 2-0 gegn Newcastle í fyrstu umferð en vann ansi sterkan 1-0 sigur á West Ham í síðustu umferð.