Ítalska félagið Juventus sýndi varnarmanninum Gabriel áhuga í sumar og vildi fá hann í sínar raðir frá Arsenal.
Gabriel hefur staðið sig vel með Arsenal síðan hann kom frá Lille í Frakklandi og veit Juventus af frammistöðu leikmannsins.
Hann var spurður út í áhuga Juventus í samtali við Sky Sports en virðist vera ákveðinn í að gera vel með Arsenal og hugsar lítið um annað.
,,Það er alltaf gott að fá þessa viðurkenningu en ég er bara einbiettur á Arsenal,“ sagði Gabriel.
,,Ég er mjög ánægður hérna og samband mitt við liðsfélagana er gott. Ég er trúr þessu verkefni og er viss um að við getum afrekað mikið.“