Frenkie de Jong og Pierre-Emerick Aubameyang eru í viðræðum við Barcelona um að yfirgefa félagið. Fjölmiðlar á Spáni fjalla um.
Þar segir að um krísuviðræður sé að ræða en Barcelona þarf að losa um fjármuni fyrir helgi til að geta skráð inn nýja leikmenn.
Chelsea er á höttunum á eftir bæði De Jong og Aubameyang og gætu báðir farið til félagsins fyrir helgi ef allt gengur eftir.
Manchester United hefur verið á eftir De Jong í allt sumar en hann hefur ekki viljað fara vegna fjármuna sem Barcelona skuldar honum. Hann getur valið á milli United og Chelsea. Umboðsmaður De Jong kom til Barcelona í gær til að funda með félaginu og finna lausn.
Aubameyang kom til Barcelona í janúar en Thomas Tuchel vill aftur vinna með framherjanum frá Gabon, saman áttu þeir gott samstarf hjá Dortmund.
Aubameyang er ekki byrjunarliðsmaður eins og staðan er hjá Barcelona í dag eftir komu Robert Lewandowski.
