Það er aðeins einn leikmaður með fleiri mörk fyrir Real Madrid í sögunni en Karim Benzema.
Benzema hefur reynst Real frábær í mörg ár en undanfarið hefur hann raðað inn mörkum fyrir spænsku risana.
Í gær skoraði Benzema sitt 324. mark fyrir Real á ferlinum og tók þar fram úr goðsögninni Raul Gonzalez.
Það er hins vegar langt í að Benzema verði sá markahæsti en sá titill er í eigu Cristiano Ronaldo.
Ronaldo skoraði 451 mark fyrir Real á sínum tíma þar áður en hann gekk í raðir Juventus.
Benzema er orðinn 34 ára gamall og verður að teljast ólíklegt að hann nái að bæta það met.