Adrien Rabiot verður að öllum líkindum leikmaður Mancheter United á næstu dögum.
Franski miðjumaðurinn er á förum frá Juventus og verður Old Trafford að öllum líkindum áfangastaðurinn.
Juventus er meira en til í að selja leikmanninn. Því munu skiptin ganga í gegn um leið og hann sjálfur semur um sín kaup og kjör.
Samkomulag félaganna er í höfn en kaupverðið verður í kringum 15 milljónir punda samkvæmt Sky Sports.
Sky Sports segir að viðræður United við mömmu Rabiot séu í gangi en hún er einnig umboðsmaður hans. Hún er sögð afar hörð í viðræðunum.
Rabiot er næst launahæsti leikmaðurinn í Seriu A með 8 milljónir evra í árslaun og vill helst hækka í launum ef hann á að koma til United.