Manchester United er að undirbúa tilboð í Cody Gakpo, kantmann PSV í Hollandi. Það er Sky Sports sem segir frá þessu.

Erik ten Hag, nýr stjóri Man Utd, er mikill aðdáandi leikmannsins. Talið er að fyrsta boð félagsins til PSV muni hljóða upp á 35 milljónir punda.

Lisandro Martinez, Tyrell Malacia og Christian Eriksen eru einu leikmennirnir sem Man Utd hefur fengið til liðs við sig í sumar. Ten Hag vill bæta leikmannahópinn frekar, en liðið tapaði 0-2 gegn Brighton á heimavelli í fyrsta leik tímabilsins í ensku úrvalsdeildinni.

Óvissa er með framtíð Cristiano Ronaldo og þá er Anthony Martial, sem var heitur á undirbúningstímabilinu fyrir Man Utd, meiddur.

Gakpo er 23 ára gamall. Hann skoraði tólkf mörk og lagði upp þrettán með PSV í hollensku úrvalsdeildinni á síðustu leiktíð.