Tottenham er við það að krækja í Djed Spence frá Middlesbrough. Telegraph segir frá.

Tottenham og Boro hafa verið í viðræðum lengi en virðast nú loks vera að ná saman. Mun fyrrnefnda félagið borga 15 milljónir punda fyrir hægri bakvörðinn.

Antonio Conte, stjóri Tottenham, er mikill aðdáandi leikmannsins og vill ólmur fá hann til liðs við sig.

Spence lék á láni hjá Nottinham Forest á síðustu leiktíð og átti frábært tímabil er liðið komst upp í ensku úrvalsdeildina.

Tottenham mun halda í æfingaferð til Suður-Kóreu á laugardag og hefja undirbúningstímabil sitt. Vonast er til að Spence verði búinn að ganga frá smáatriðum og fara í læknisskoðun hjá félaginu áður en liðið heldur af stað. Hann geti því verið með í för.