Það er útlit fyrir það að Frenkie de Jong sé ekki á leið til Manchester United í sumar eins og margir bjuggust við.
De Jong hefur endalaust verið orðaður við Man Utd í sumar og hefur félagið mikinn áhuga á að fá hann í sínar raðir.
Forseti Barcelona, Joan Laporta, hefur nú tjáð sig um málið og segir að það sé ekki í plönum spænska liðsins að selja Hollendinginn.
,,Það eru mörg félög sem vilja fá hann, ekki bara Manchester United,“ sagði Laporta í dag.
,,Við höfum engan áhuga á að selja hann og hann vill vera áfram. Ég mun gera allt til að halda Frenkie en það eru einnig launavandræði sem þarf að laga.“
De Jong vill því vera áfram á Nou Camp frekar en að vinna með fyrrum stjóra sínum hjá Ajax, Erik ten Hag, sem er nú í Manchester.
