Manchester City hefur staðfest komu Stefan Ortega Moren en markvörðurinn kemur á frjálsri sölu til félagsins.
Markvörðurinn er 29 ára gamall en hann kemur til félagsins frá Arminia Bielefeld.
Ortega er reynslumikill þýskur markvörður en honum er ætlað að vera til taks fyrir Ederson sem á fast sæti í byrjunarliði Pep Guardiola.
Ortega er annar maðurinn sem City fær í sumar en áður hafði félagið keypt Erling Haaland frá Dortmund.
Félagið er svo í dag að ganga frá kaupum á Kalvin Phillips frá Leeds en miðjumaðurinn er væntanlegur í læknisskoðun.