„Það er svekkelsi að vinna ekki,“ sagði hinn ungi Hákon Arnar Haraldsson eftir 1-1 jafntefli Íslands gegn Albaníu í Þjóðadeildinni í kvöld.
Hákon leikur með liðsfélaga sínum hjá FC Kaupmannahöfn, Ísaki Bergmann Jóhannessyni, í landsliðinu og líkar það vel.„Það er bara geggjað, að fara frá félagsliði og í landslið. Það er létt að spila með hvorum öðrum því við þekkjum hvorn annan inn og út.“
Hann segir íslenska liðið þokast í rétta átt eftir miklar mannabreytingar á síðasta ári. „Mér finnst við vera að taka skref í rétta átt. Þetta lítur vel út.“
Hákon var í kvöld að leika sinn fyrsta landsleik á heimavelli. „Það var gaman að spila fyrir framan íslensku þjóðina,“ sagði hann.