Jordan Pickford, landsliðsmarkvörður Englands, er í viðræðum við Everton um að framlengja samning sinn á Goodison Park.
Það er Telegraph sem greinir frá þessu en Pickford er í dag samningsbundinn til ársins 2024.
Everton hefur engan áhuga á að skipta um í búrinu og vill halda þessum 28 ára gamla leikmanni til frambúðar.
Pickford hefur í dágóðan tíma verið aðalmarkvörður Englands og verður það að öllum líkindum á HM í Katar í lok árs.
Pickford ku hafa áhuga á því að framlengja og er ekki í leit að því að komast burt frá Everton.