Romelu Lukaku er mættur til Mílanó þar sem hann mun fara í læknisskoðun og ganga frá skiptum sínum til Inter. Hann kemur frá Chelsea á láni en ítalska félagið greiðir 8 milljónir evra fyrir að hafa hann á næstu leiktíð.
Lukaku lenti í Mílanó í morgun þar sem stuðningsmenn tóku á móti honum.
Belginn hefur grátbeðið um að komast burt frá Chelsea og vildi aðeins skrifa undir hjá Inter þar sem hann var fyrir dvölina hjá Chelsea.
Lukaku kostaði Chelsea tæplega 100 milljónir punda í fyrra en stóðst ekki væntingar á sínu fyrsta tímabili og vildi svo komast aftur til Ítalíu.
Stuðningsmenn Chelsea eru alls ekki ánægðir með Lukaku sem virtist gefast upp eftir að hafa fengið smá mótlæti á síðasta tímabili.
„Ég er svo glaður,“ sagði Lukaku þegar hann gekk út af flugvellinum í Mílanó.
🚨 Romelu Lukaku has arrived in Milan for his second spell at the Nerrazuri .
He'll have his medical today.#Inter
🎥 @GianluVisco pic.twitter.com/6UGSNyd9jb— Kellosamuel (@kellosamuel) June 29, 2022
