Angel Di Maria hefur áhyggjur af því að vera ekki valinn í landsliðshóp Argentínu fyrir HM í Katar í lok árs.
Di Maria er þessa dagana að leita sér að nýju félagi en hann hefur kvatt lið Paris Saint-Germain í Frakklandi.
Það mun taka tíma fyrir Di Maria að aðlagast hjá nýju félagi en hann horfir til bæði Juventus á Ítalíu og Barcelona á Spáni.
Di Maria hefur aldrei spilað á Ítalíu en lék lengi vel með Real Madrid og þekkir því vel til Spánar.
,,Sá eini sem er með öruggt sæti er Lionel Messi. Það eru fjórir mánuðir í þetta og ég þarf að skipta um félag, aðlagast og spila vel sem skiptir miklu máli,“ sagði Di Maria.
,,Juventus er stærsta félag Ítalíu og það er eitt af þeim félögum sem hefur áhuga. Ég er að hugsa mig um en er í sumarfríi með fjölskyldunni.“
,,Barcelona er eitt besta félagslið heims og ég hef alltaf þurft að spila gegn þeim!“