Gareth Bale hefur samþykkt að ganga í raðir Los Angeles FC í Bandaríkjunum og yfirgefur þar með evrópskan fótbolta.
Þetta segir blaðamaðurinn virti, Fabrizio Romano, en Bale kveður lið Real Madrid og heldur til Bandaríkjanna.
Cardiff City og Getafe hafa einnig verið orðuð við leikmanninn en samkvæmt Romano komu þau aldrei til greina.
Bale skrifar undir samning til ársins 2023 og er möguleiki á að hann verði framlengdur um eitt ár.
Bale þurfti að finna sér nýtt lið til að haldast í standi fyrir HM með Wales sem fer fram í Katar í lok árs.
